ألا يا دمعي لا تنزل أبي أعيش من دون هم
ألا يا قلبي لا تنزف تراني تعبت من زود الغم
أبي افرح أبي اضحك أبي أكون مثل الطفليلعب بكل ماحوله ولا يهتم ولا حتى يشيل الهم
أبي لاقمت من نومي ببسمه أبتدي يومي
وارمي ورى ظهري كل مشاكلي وهمومي
ولا أفكر في الماضي ولا اقلق في نومي
واقول لدنيا تراكي ماتسوي شي في عيوني
يا دنيا أنا تغيرت وتغير كل مافيني
أنا سعادتي في قلبي وفي روحي تدفيني
أنا مايهمني الهم وما تبكيني جروحي
ويا دنيا لو بسهامك رميتيني و جرحتيني
ترى بس هي مسألة وقت
وتبرى كلِ جروحي
أنا يا دنيا تغيرت ويمكن ما عرفتيني
أنا يا دنيا إلي كنتِ بالأمس
في كل ليلة تبكيني
وانا إلي صرت اليوم
البسمه ما تفارق دروبي
أنا يادنيا من دون هم بعيش باقي حياتي
وبضحك وما بيهمني الهم والغم وليه اهتم
دام اني مخلوق و كل مخلوقٍ فاني
وانا من هالحظه تغيرت وصرت يا دنيا شخص ثاني
رد مع اقتباس
المفضلات