يوم الكرامة
يوم الكرامة
يوم الكرامة عيد ما اجل العيد
من حقنا نفرح بالامجاد ساعة
من حقنا نعلن لبو حسين تأييد
ونقولها الفين سمع ن وطاعة
لن الوطن حبه على طول بيزيد
مزروع فينا بالخلايا زراعة
شفتوا الحليب اللي ارضعوه المواليد
هذاك حبه راضعينه رضاعة
وشفتوا الذهب في جيد بنت الاجاويد
لا صار مصكوك ن بفن وبراعة
هذاك وادي رم في داخل البيد
وهذاك وادي الغور عقب انصداعة
وهذيك دقات الوشم والتجاعيد
في وجويهكم يا اهل الوفا يا جماعة
وهذاك في عمان حيدن ولد حيد
ليث ن تهابه في المنايا سباعة
خلفه رجال ن كل أبوهم صناديد
متوارثين اللين عقب الشجاعة
قلوبهم ع الموت مثل الجلاميد
منهم تهاب جيوش أهل الفضاعة
ما همهم في الكون حمر اللهاميد
صفر الوجوه الصانعين اللكاعة
الفاجرين الحاقدين المناكيد
المعتدين بكل قبح وبشاعة
لا فز عبد الله يبي يروح للصيد
تهيأت مثل الصقور بطباعه
صاروا رصاص بجوف كل البواريد
والحشوة اللي في الرصاص وذراعه
محمود الضوااااااات
رد مع اقتباس
المفضلات