ماكل ماينشر من القول مسموع
الســـــــــــــلآم عليكم ورحمة الله وبركاته ..
أسعد الله أوقاتكم بكل خير ~
مَدْخَلْ ~
ي حبيبي جيتك بنار القصيد
....................... اشتكـــي لك من خفــــوقي واللــهب
جيت حولك ناظري لك من بعيد
....................... عيـنـي تبحث عن خفـــوقٍ لك هرب
خذه مني علم مابعده اكيد
....................... أنت وحــــدك لـــو يقــولــون العجب
زاد حبه زاد من فوق الرصيد
....................... واعتــلا بــالقلب من بيـــن العـــرب
اسمعوا بعض الجمل يمكن تفيد
....................... شمــس قــلبي مـــا تخبيــه السُـحب
انحتوها لو بغيتوا فالحديد
....................... وألحقــوهــــا في نهــــايـــات اللقب
سقت البيوت الي بها العرف ممنوع
عيبا علينا نعترض للبضاعه
أبيات شعرٍ نظمها حول موضوع
يصعب على القارئ ويبدأ ضياعه
حاولت أثبت حولها حصن ودروع
حاولت أغيّر في خيال القناعه
لكن كسرت المركب الي به جموع
تناثرت منها حروفي جماعه
ماكل مايِنشر من القول مسموع
بعض الدعاوي تنتشر في إشاعه
أما أنا بسجل القاف مزروع
وأنقش حروفٍ بالغلا في ذراعه
وجدي وجود الطفل خايف ومفزوع
يحتاج ضمه للصدر فيه راعه
أنت الوحيد الي عسفني مع الطوع
حافظ على روحي تراها وداعه
وأنته منار القلب والضي واشموع
محبتك تِفقد عظيم المناعه
وأنته دوا (ن) للقلب لاصار موجوع
وأنته حبيبي وسط قلبي متاعه
وأنت الوحيد الي على الراس مرفوع
وأنت الوحيد الي له السمع طاعه
وأنت الوحيد الي بقلبي له افزوع
مانته بحاجه ي حبيبي إلشفاعه
عنده عظيم القول ماهو بمصنوع
غصباً بإسلوبه يشد استماعه
كريم .. طيب .. ساس للجود وافروع
وإن كنت أوصف بالوفاء هو شجاعه
تمت قصيده ي عرب ختم الاسبوع
نسجتها لجل الغلا قبل ساعه
رد مع اقتباس
المفضلات