يحيا العزيز بعزته شامخ
الراس
ولا الذليل يموت في عز ذله
من عاش شاف بدينيته كل الأجناس
من كل جنس وكل مذهب ومله
ومن عاند الدنيا توريه الأتعاس
يلقى القهر ويموت في وسط غله
راع الوفا ممشاه مع خيرة الناس
وراع الردى راع الردى صاحبنله
ومال الردي في مجلس العز نوماس
اصلا ولا حتى يجيله ويوصلنله
بعض العرب اغلى من كنوز الالماس
سيف ليا جات اللوازم تسله
له فزعة تظهر ليا صرت محتاس
ودرب الوفا ماكل رجلن يدله
بعض الرجال من تحت الأقدام ينداس
وبعض الرجال من فوق راسك محله
وبعض الرجال صداقته دوم نوماس
وبعض الرجال صداقته لك مذله
وبعض الرجال لامات تجزع له الناس
وبعض الرجال لامات محدا فطنله
لاباس ياقلبا تبي المجد لاباس
مادام فعل الطيب فينا جبله
البيت يبقى دوم مبني على ساس
وأن كان ماله ساس مادام ضله
وكل انسان محدد بالأنفاس
رحال في دنياه والقبر حلنله
رد مع اقتباس
المفضلات