إلى مِنْه أفترق ولف القلوب وطالت المدة ،
وشفت اعيال حواء كلهم صربي وشيشاني ،
وصار العرف ضايع رابعه وده ولا وده ،
بعصر ٍ تعتبر فيه الجريمة موقف إنساني ،
تـَحزَّم بالعزيمة والظفر والأرض ممتده ،
وقل ما جابني لك يا حلوم الليل وداني ،
لولا الكعبة ما مرينا على الطائف ولا جده ،
أقول احفظ قصيدي وإنس تاريخي وعنواني ،
،،
أنا الراس العنيد اللي زمانه واقف ٍ ضده ،
لكن أموت ( وَلَدهَا ) البريء ولا اقطع العاني ،
،،
بكيت من اليتيم اللي نثر دمعه على خده ،
أثر دمع اليتيم اللي بكى كله على شاني ،
،،
( تواجهنا ) وكل ٍ في زمانه بايح ٍ سده ،
لو إنه قال مَسَّح دمعتي قلت اسرج احصاني ،
،،
معي سيف ٍ يلوح النصر في حَدَّه وفي حَدَّه ،
وأعلم وأتعلم وأعرف الهادم من الباني ،
وأخاوي وأنثني دون الخوي لا ثقلت الشده ،
ولا ابيع المعزة والغلاء بأخس الأثماني ،
أكمل واجب الرجال واعده ولا اعده ،
إلين أجربه وأصل التجارب خير برهاني ،
ما ني بقلط الرجال وأضحك له لجل مـَده ،
أدسم مخلبي وإلاَّ اتلحف ريش جنحاني ،
ودون الدم والعرض النزيه وهيبة البده ،
أرحب بالبشر ترحيب قوماني بقوماني ،
ورفيقي لا عمدني بالخطا ماالحقَّه حده ،
أخفي زلته وأرفع خماله والعمر فاني ،
أجنب عَنْه وألاَّ اشدَّ والشـَدَّه هي الشـَدَّه ،
سيور الغرب وحبال المحالة تتعب الساني ،
فجوج الله وسيعه والحصان ابشده وعده ،
أفاوله المفارق وأذكره لو كان ينساني ،
رد مع اقتباس
المفضلات