جيت المدينة وبداخلي طفلا عسى الله يصلحه
طفل بدوي ولد أبدوي طيب لكنه عنيد
جيت المدينة وفي يدي طيب البداوه ومسبحه
جيت أشوفك يالحظاره جيت ادور للجديد
طفلا يعيش بداخلي وكل كلمه تجرحه
يهدي سبايك من ذهب والناس تهدي له حديد
كل دمعه تجرحه وكل بسمه تفرحه
جيت أدور للفرح له وماشعرت اني سعيد
لو تون وتشتكي الدمع ماحدا يمسحه
الناس واجد بالمدينه وأقرب العالم بعيد
مافي المدينه شي قلت يمكن امدحه
واعجزت يادروب المدينه وحتار وياي القصيد
الوضع ياقلبي صعيب والوضع ما اقدر اشرحه
اريد وانت ماتريد والله يفعل مايريد
ماحدا ضحك لي في المدينه الا يبغى مصلحه
فقيره ماله سند وصار الردي عم وسيد
رجعتي لك يالمدينه موضوع تو ما أفتحه
خلاص ياقلبي خلاص لا تزيد ولا تعيد
سلام ياقريتي ياطيف دايم المحه
ياقريتي أقصى الجنوب احرار مافيها عبيد
رد مع اقتباس
المفضلات