برق ومطر وهموم وأحزان ورعود
وقسوة زمن وأحلام من هو وأدها
***
وجروح قلب(ن) من عنا الوقت مضهود
ودموع عين(ن) طال ليل(ن) سهدها
***
ورفيق درب(ن) شفت أنا منه صدود
وتعثرت خطوات حبي بعدها
***
لا تسألون القلب عن حب موجود
ولا تحفرون البير يكثر مددها
***
خلوني ابكي أدري الحظ مقرود
وأدري حياتي عقبه أقفى سعدها
***
أنا عطيته كل ميثاق وعهود
ومحبة(ن) ما عند غيري وجدها
***
واخلصت له بالحب وجروحي شهود
اللي من اسبابه تزايد جهدها
***
وغيري سكن قلبه وأنا منه مطرود
وبيبان حبه في عيوني وصدها
***
عقبه حياتي يا هلي ما بها زود
بنت يتيمة ما به أحد(ن) فقدها
وسلامتكم ... منقول اكيد
رد مع اقتباس
المشاركة الأصلية كتبت بواسطة moonlighter
المفضلات