السلام عليكم ورحمة الله وبركاتة
اغلب الزوجات يفضلوا يكونوا رسميات مع اهل الزوج ..... طبعا في الغالب
بيكون تجنبا للمشاكل ....
طبعا مو كل اهل الزوج يستحقوا هذي المعاملة ...
لكن كل وحدة ادرى بأهل زوجها <اهل مكة ادرى
بشعابها> وهي تعرف هل فعلا هم يستحقوا
المعاملة الرسمية ؟؟؟
لكن اللي دفعني لكتابة الموضوع انه اغلب
الزوجات فاهمين الرسمية <غلط> بيفتكروا انه
الرسمية
مثلها مثل أي ضابط او شرطي ....لا للضحك لا
للتودد لا للمخدرات ..... لا لا ياقلبي الرسمية مو
بالطريقة هذي ...
الرسيمية لها شروطها ... وراح نتكلم فيها
اولا – تكون زيارتك لهم بين فترات متباعدة لانه كثر
الاحتكاك يولد مشاكل وقيل وقال انتي في غنى
عنه .... <وكل وحدة ادرى باهل زوجها>
لكن هذا ما يمنع انه زوجك يزور اهلة حتى لو كان
كل يوم ... يعني لا تطبقي الرسمية على
زوجك ... اهم شيء نفسك انتي ...
ثاينا- وهذي نقطة مهمة .. احنا اتفقنا انه زيارتك
لهم بين فترات متباعدة .. صح؟؟؟ لكن في حالة
زيارتك لهم خليكي طبيعية معاهم جدا حتى لو
كنتي حاقدة عليهم او كارهتهم .... في بعض
الزوجات والله تروح لأهل زوجها كانها عسكري
تتكلم بحساب وتاكل وتشرب بحساب ... وقاعدة
على
اعصابها <فاهمة الرسمية غلط>... وتخاف تفلت
بكلمة ويودوها ورى الشمس ... ليش شد
الاعصاب ..؟؟ والتوتر ؟؟؟ خليكي يا اختي طبيعية
او اجلسي ببيتك افضل ...
اذا اهل زوجك فهموكي غلط .. هذي مشكلتهم هم
مو مشكلتك انتي .. اهم شيء انتي ما يطلع منك
العيب ... واذا تبغي تختبري نفسك اذا كنتي طبيعية
معاهم او لا ؟؟؟ اتخيلي ام زوجك هي امك
واتخيلي اخواته هم اخواتك ... على الاقل ترتاحي
من شد الاعصاب والتوتر ... وخذي راحتك معاهم
بالضحك والكلام والوناسة والفرفشة ... لا تتقيدي
الا بحاجة وحدة فقط <انه ما يتعدى كلامك امورك
الخاصة > و <وما يكون بين وبين اهل زوجك
اسرار وخشخشة > وبكذا انتي طبقتي الرسمية
صح ....
يعني يكون كلامك معاهم عادي جدا .. ممكن
يسمعوه الصغار قبل الكبار ... يعني ما يكون
اسرار
وامور خاصة ... عشان ما يمسكونك من الايد اللي
توجعك ... في حالة اذا انقلبوا عليكي .... انتي
وشطارتك لا تخلي احد يمسك عليكي شيء
-ياليت الزوجات بقهموا انه الرسمية مو تقيد في
الجلسة والضحك وتقيد حتى في التنفس ...؟؟
الرسمية اعيش حياتي
معاهم طبيعية حتى لو عرفت انهم اتكلموا علي ...
او ظلموني ... لا تتضايقي منهم ... وحتى انتي
كمان برضوا اكيد ما بتقصري وبتتكلمي عنهم
بسوء .... يعني فيفتي فيفتي ... المعادلة متساوية
بينكم ... ما نقدر نربط السنة الناس عشان
ما يتكلموا فينا او في غيرنا ... اللي تخاف من ربها
هي اللي تربط لسانها عن الغيبة ....
نرجع لموضوع الرسمية ...
- وبما انك زياراتك لهم متباعدة .... حلو انك
تجيبي شيء معاكي حلا او مالح ... أي شيء ...
يجمل
عليكي وتعطيهم قدرهم حتى لو ما يستاهلوا ...
ممكن بحركتك هذي ... تكبري بنظرهم .. ولو صار
مشكلة مع زوجك تلاقي من يوقف معاكي ضدة ...
ويرشدوة لعقلة ... < قدمي السبت تلاقي الأحد
>يعني الهدية اللي بتجيبيها بتصفي النفوس لو كان
بينكم شيء <قال الرسول صلى الله علية وسلم :
تهادوا تحابوا> وقال تعالى :<وما ينطق عن الهوى
ان هو الا وحي يوحى>
- ايضا مشاركة اهل زوجك افراحهم وأحزانهم ...
في العزى تكوني اول وحدة توقفي معاهم يعني
تكوني شاطرة عند الفزعااااات .... حتى لو ما
سويتي شيء وما خدمتيهم ... يكفي وقفتك
معاهم 3
ايام ... في زوجات اعرفهم يقولوا من كثر
المشاكل مع اهل الزوج ... تروح العزى اول يوم
فقط وكم
ساعة وهي ماشية ... سبحان الله ...لو كل زوجة
حطت ببالها انه بتسوي الشيء ذا عشان ربي مو
عشان الناس ... كان ما استعجلت ومشيت على
بيتها ..... والأنسان ما يبان الا في المواقف الصعبة
ورسميتي ما يمنع اني اكون اول من يوقف معاهم
في السراء والضراء ....
عارفين ليش؟؟ لانه الرسمية هو تولد الاحترام
والأدب بس بدون احتكاك كثير .... وفي ناس
فاهمين
الرسمية
انه فقط اوريهم وجهي وطولي <يعني شوفوا انا
زرتكم > زمن جوة مليانة غيظ ... مو مشكلة
اكرهيهم بس لا تظهري كرهك لهم من حركاتك ...
اذا في مشكلة معاهم حليها من وقتها اذا احتاج
لحل ... وبعد كذا ارمي كل شيء وراكي لانه
ارضاء اهل الزوج غاية لا تدرك
وعندي نصيحة لكل متزوجة .... اللي تبغى تزور اهل زوجها .... من ورى ظهر <بحجة كثرة المشاكل>
الأفضل
لا تزورهم لانه راح يبان على وجهك اذا متقبلتهم او
لا ... وبكذا راح تسوء الحالة مما هي عليها ...
وراح يفهمونك من نظراتك ...
-وايضا تشاركينهم الافراح وتوقفي معاهم .. حتى
لو ما ساعدتيهم .. احضري مناسباتهم لانه عدم
حضورك راح تثبتي انه فعلا انتي ما تبغيهم ...
ويولد الجفا بينكم ... يعني بدل ما ترقعيها ..
عميتيها ...
-
- لو كل وحدة فهمت انه الرسمية <توليد محبة
واحترام > وليس <زعزعة نفوس وتوتر علاقات>
كان
كلنا صرنا رسمين مع اهل ازواجنا ... بس
بالطريقة الصح
ايضا من شروط الرسمية ... انك ما تتدخلي
بخصوصياتهم
يعني مثلا شفتي اخت زوجك تبكي ...؟؟ او ام زوجك خارجة مكان ؟؟؟ لا تساليهم طالما انك
انتي
تبغي تتبعي الرسمية معاهم ... اذا هم قالوا لك
؟؟... خير وبركة .. واذا ما قالوا لك .. خلاص لا
تتدخلي ... بس هذا ما يمنع انك
تكوني طبيعية جدا معاهم كأنك قاعدة بين اهلك
عشان تحسي بارتياح وعدم توتر ....
واذا خلصت السهرة ... وخرجتي من عند الباب ...
خلاااااااااااااااااااااااااااا اااااااااااااااااااااااااااااا اااااااااص
ارمي كل الكلام اللي صار معاهم خلفك .... ولا
كانه
صار شيء ... يعني لا يكون بينكم اتصالات كثيرة
مالها داعي تجيب المشاكل والهم ... اهم شيء
السؤال عن الاحوال اذا احد مرض او مناسبة ...
وام زوجك اتصلي عليها واتطمني عليها ... بس
بدون
خوض في التفاصيل
عشان لا تعطيها مجال تجرحك او تتعدى عليكي
<اذا كانت ام زوجك مشكلجية> يعني واصليهم من
بعيد لبعيد
لا تقاطعينهم وتقابليهم في السنة مرة وتقولي انا
رسمية معاهم ... غلط يا اختي ...
وتجي الثانية... وتقول انا رسمية معاهم واذا
قابلتهم تطيح الميانة مع اخوات زوجها ... وتنسى
نفسها .. وتاخذ راحتها وبعدين ترجع بيتها وكلها
ندم وحسرة وتقول يا ليت اللي صار ما كان .. لازم
كل وحدة تعمل كنترول على نفسها ....
بالنسبة للأيميلات ... ما يمنع انك تضيفيهم عندك
من باب <التودد والتلطف> لكن احذري تكوني
دائم
اون لاين معاهم ... ولو فرضا صادف وكنتوا اون
لاين ... عادي اسألي عن اخبارهم وجديدهم ...
بس لا تطولي حتى ما تخوضي في تفاصيل اكثر ..
تندمي عليها .. واعتذري انه انتي مشغولة ... اذا
حسيتي انه في استدراج لك
الافضل في موضوع الايميلات انه يكون تواصلك
معاهم عن طريق الرسائل البريدية ... أي موضوع
يعجبك ارسلية لهم ..... وبكذا راح يفهموا انك على
تواصل معاهم
واخيرا على المختصر السريع ...
اللي ابغى اوصله لكم ... انه
الرسمية ... تكوني ماسكة العصا من الوسط ...
يعني تقابليهم بحدود ... واذا قابلتيهم اضحكي
وانبسطي وخليها احلى سهرة ... واذا خرجتي من
عند الباب انسي وارمي كل شيء وراكي ... حتى
تقابليهم مرة ثانية ...
الرسمية ... انك تساعديهم وتوقفي معاهم بس
بدون ارهاق جسدي ... المهم انك وقفتي معاهم
لأنه
هذا يدل على احترامك لنفسك ...
الرسمية ... انه ما يكون احتكاك كثير عن طريق
الهاتف او المسنجر ... فقط السؤال والاخبار بدون
التعمق الكثير عشان ما تنجرحي منهم اكثر..
وتزعلي منهم ...
الرسمية .. ما يمنع انك تجيبي شيء معاكي لهم
سواء مالح او حلا ... لانه هذا الشيء بيزيد من
قدرك وما بينقصه ... بالعكس قدمي الخير اولا ...
راح تلاقيه قداااام
رد مع اقتباس
المفضلات