سألتها وش بلا صوتك حزين ؟
قالت :
ترى قريب بنفترق ،،
قلت :
أنا بحبك مخلص ووافي وأمين ؟؟
قالت :
القدر حكمه سبق ،،
قلت :
والمحبة إلي فينا من سنين ؟؟
قالت :
للأسف راح تحترق ،،
قلت :
وبكاي ودموعي والأنين ؟؟
قالت :
أفراحي بعد بتنسرق ،،
قلت :
ولما يأخذني شوقي والحنين ؟؟
قالت :
بدموعك أغترق ،،
قلت :
لو ماعرفتي أعلمك !!
أنتي بحياتي الملك ،، أنتي بروحي أحملك ،، أنتي حروفي تجهلك ،،
عندي سؤال أبسألك ؟؟
لمين أشعاري بعدك تنكتب ،، منهو بعدك بها الدنيا أحب ،، منهو يستاهل دموعي والتعب ،،
جاوبيني أقنعيني لو كذب ..
أنا من بعدك حياة مابها غيري أنا ،، لا صديق ولا رفيق عني يشيل العنا ،، وحيد متعب غريب
ما عرف طعم الهنا ..
أنا بعدك رماد يلعبه هبوب الرياض ..
أنا من دونك ليال تنتظر نور الصباح ..
أنا من دونك جسد مابه غير الجراح ..
قبلك ما عرف قلبي بها الدنيا أحد ،، معك عمري أخذ مع الفرحة وعد ،، بعدك ماراح أحب غيرك
أبد ..
أبسألك ؟؟
ليه علقتني وحببتني وجننتني فيك ؟؟
دامك تعرفي إن الوصل ماهو بيدك ؟؟
دامك تعرفي إن القدر أقوى عليك ؟؟
دامك تعرفي إني أحبك وأعشقك وأموت فيك ؟؟
وإني أزعل لا زعلتي ،، وأبكي من حزنك وأجيك ،، رغم إني ما جرحتك أعتذرلك ،،
وبالمحبة أرتجيك ..
همي بالدنيا رضاك ،، لأني أحتاجك وأبيك ،، رغم شوقي لحظنك أحظنك وما أشتكيك ،، أخفي
دموعي عنك وأضمك وأخاف عليك ،، حتى ما تعرفي عذابي وحتى ما تشوفه عيونك ،، تصوري كل
هالمحبه منهو مثلها بيعطيك ..
ليه ما قلتي خل حبك لي مثل حب كل البشر ؟؟
لا هموم ،، ولا دموع ،، ولا حزن فيه وقهر ،، لا اشتياق ،، ولا جنون ،، ولا حنين ،، ولا سفر
ينتهي بكره ويموت وما يبقى له أثر ،، حب ما يعرف أنين ،، ولا بكاء وتعب وسهر ،،
كان رحمتي عيوني وقلبي وروحي والعمر ،،
كان ما عرفت طعم الضياع إلي طعمه حيل مر ،،
كان ماعرفت إن الثواني في غيابك مثل الدهر ،،
أنا عارف !!
إن اللي أجبرك هو وقتك والظروف ،،
وإن عذرك ما توفيه الحروف ،،
وإنك أضعف من مجاديف الضروف ،،
لكن ؟؟
لو قلتي من أول أنتبه !!!
بحري عميق ،، وإن عمرك ما تكون إلا غريق ،، وإن روحك راح تشتعل مني حريق ،،
كان رحمتي ضعف قلبي والمشاعر ،،
كان قدرتي تمنعي دمع المحاجر ،،
كان رحمتيني من طعن الخناجر ،،
والحين ؟؟
مابقى غير الفراق إلى نقش جرحه بروحي ،، وما بقى إلا إني أشتكي حزني وجروحي ،،
أببعد عنك وأحاول قد ما أقدر إني أنسى ،،
وأعترفلك إن فراقك علي أقسى من طعون ومن جروح بروحي لها
مرسى ،،
أسمعيني ؟؟
أجمعي شتات جرحك وارحلي عني بعيد ،، ورجعي قلبي لصدري واتركي عمري وحيد ،، وإنسي إني
كنت مغرم فيك وبحبك عنيد ،،
ولو لمستي فيني قسوة خلت جروحك تزيد ،،
أسمحيـــــلي واعذريني يالي حبـــــــــــــــــك كان عيـــــــــد
رد مع اقتباس
المشاركة الأصلية كتبت بواسطة محمد الدراوشه
المفضلات