يضيق الكون
يضيق الكون في عيني اذا حسيت انا الغلطان
تخيل صوتك البارح على الذكرى يسليني
جفيت الحب والطيبه وهجرت الشوق والاحسان
ودفنت الشوق في قلبي وسكنتك وسط عيني
عهدت الطيب ما خونه واقابل طيب بالنكران
وحلفت بوالدي مرحوم له الذكرى تواسيني
حلفت بمنزل التوبه حلفت بخالق القرأن
لكون الصادق المخلص ولو انتي نسيتيني
تحملت العتب لجلك وشلت الهم بالالوان
عجزت اوقف على شطك ودفى موجك يغطيني
اذا تقوى على الفرقه انا ما اكون لك عوان
انا فرقاي في صوتي تحطمني تبكيني
اذا همك يزلزلني افجر داخلي بركان
عتب شوقي على شوقك عسا طيفك يناجيني
ابي اوصلك المعنى خفايا من خفوق انسان
اذا خنتك بطرف حرفي عسا الدنيا تخليني
وابي تعرف معاناتي سفيه تفتقد ربان
اذا مت في بحر همك عسا شطك يواريني
اكيد بتوصل الصورة لاني شاعر وفنان
اطوع كل حروف الشعر وعلى قسمك توديني
من كلماتي
الفتهن الحين ياريت تعجبكم
اهداء خاص
تاريخ 13-6-2009
الساعه12.43
:cz::cz::cz::cz::cz::cz::cz::cz:
المفضلات