وسط الحنايا
للحب في وسط الحنايا مداهيل
وابواب ماتفتح لغيره ولاباب
في عيون من حس بعذابة مراسيل
لاسلهمت.. كن المشارية تنساب
عليك مني.. شرهة محب يا الليل
لولاك نجمي ماتعدا ولا غاب
مالي ومال سهيل ياعاشق سهيل
نجمي سحاوي والسما مالها حجاب
ماتسمع لصوت المفارق مواويل
وماتسمع لهمس الفضا لوم وعتاب
وماشفت فوح الهم فوح المعاميل
وماشفتني..؟ قدام عينك بلا أصحاب
وعساك ياغصنٍ في ظلك مقاييل
اطياف قلبينٍ من العام غياب
سحابةٍ تمطر على القاع ويسيل
والارض من عقب الدهر تنبت أعشاب
والفيضة اللي شاركتنا التعاليل
ياالله عساها ترجع أحبابي احباب
اقول شين..مابعد هقوتي قيل..؟
الحب ناسه غير واشرافة.. اعراب
اجيال راحت لاكن الجيل من جيل
والحب دايم منفذه نفس الاسباب
كم فارسن من نظرته يشكي الويل
وكم عشق طفلن داخل القلب ماشاب
وانا.. لو اني اشكي الهم للنيل
الما قبل لاتنتهي قصتي راب
للحب في وسط الحنايا مداهيل
وان جيت اصك الباب تفتحله ابواب
منقووووووول
رد مع اقتباس
المفضلات