دلة غلاك
ما أنتي بعلة كبود أنتـي لقلبـي دوى
جيتك بكل الجـروح وناشـدك طبهـا
قلبي في أعماق غبة بحر عشقك هوى
مدري وش أغواه حتى غبتـه طبهـا
مسكين قلبي تعنى في دروب الهـوى
يناجي اللي على كـل البشـر حبهـا
يزرع ولكن حصاد الزرع حرة جـوى
لا هو قطف له ثمار ولا ذخـر حبهـا
أشوف نخلة هوانا عودهـا قـد ذوى
وحتى ولو عودت عرجون ما اسبهـا
صوت الألم داخل رياض المشاعر دوى
ولاعج الشوق روضات الحشى شبهـا
وذيب الأشواق في رجم الموده عـوى
يا كم رجوم على وعـد الوفـا ذبهـا
بدرٍ وفي قمة المشراف بان وضـوى
رمى مواعيد ليل العشق فـي جبهـا
والعاشق المغرم اللي بعد ياسه ضوى
مهما يعاني حبال الوصل مـا جبهـا
يا صاحبي ما يثير العشق غير النوى
حتى ولو ننـزف الاشـواق ونكبهـا
لو أبغي أنساك تدري خافقي ما قـوى
لكن دعـوى المواصـل نبهـا نبهـا
الله يعطي على النيـه وقلبـي نـوى
دلة غلاك إن نويـت بجيتـك صبهـا
تعال ونصب قهوتها ونشـرب سـوى
ونتقاسم التمره اللـي سايـلٍ ربهـا
رد مع اقتباس
المفضلات