الا ياليل قلهـآ لي علام الكون فيني ضاق؟
علامة مارحم دمعي وانا واقف على بابه؟
تـفـيـق حظوظ خلق الله وأنا حظي مـآ بعد فاق
تضيق همومي بصدري ولا ادري شالذي عابه؟
سهرت بليلي المظلم أفسر لهفة المشتاق
طلبت الهم يخاصمني لقيت اني من احبابه
لقيت ان الزمن ظالم مثل موج البحر غراق
رماني في متاهاتــــــــه وسكّر دوني ابوابه
كفاية يا زمان التيه كفاية لعبة الاشـــواق
كفاية لية ماترحم شبعنا هموم طلابــــــــة
شبعنا من الزمن ضيقه ...وصرنا للفرح عشاق
يذوقنا مرارة دوم علينا يرمي اسبابــــــــــه
عزيز النفس بالدنيا يعيش بهم ماينطاق
وذليل النفس يارب خطاه الهم ولا صابه
ولكن لو يطول الوقت وينثر همه الحرّاق
يجي يوم من الايام وكلن ياخذ حسابــــه
نضيق بهالزمن ضيقة ولانذرف دموع شهاق
نضيق ونصبر ونكسر زمان طالت انيابــــــه
انا ادري مانهاب الموت ولاحتى نهاب فراق
نهاب الخالق الواحد ونرضى بكل ماجابه
اعيش اصبر على البلوى ولو هالكون فيني ضاق
اعيش الذيب في عمري ولا ارضى فوقي ذيابه
//
//
ممآ رآقَ ليِ
رد مع اقتباس
المفضلات