أنـــتــــــي
حبيبتي... قلبي وروحي وعيني = انتي حياتي مثل مانا حياتك
ادري ومتأكد وعندي يقيني = انك تحبيني ... وهذي حلاتك
غيبي بكيفك وارجعي يا سنيني = اسقيني الما من قرايح شفاتك
انتي غلاي اللي تعلا جبيني = وانا بعد قلبك وكل أمنياتك
خيال روحك كل لحظه يجيني = معْ نبضي اللي عايشٍ في حراتك
حبيبتي... بالله لا تسأليني = أعرفك من صوتك ومن تمتماتك
اذكرك مره جيتي تجربيني = قلتي ابي بيتين من خربشاتك
قلت انثريني فالفضا وأجمعيني = تلقين كل اللي كتبتْ أهْمساتك
تبت يدا شعري وتبت يديني = لو ما رسمت أحلى الصور في غلاتك
والحين كاان الاسئله تحتريني = فارجوك تنسيها .. وافضل سكاتك
وبقول لك سؤال بينك وبيني = زولي يمرك لا دخلتي صلاتك !! ؟
إهداء ...
رد مع اقتباس
نورتيني
المفضلات