قصيدة الشاعر / عبدالله بن غريب الحبابي الملقّب بشاعر (( السبع لغات )) .....
الصدفة الي اجمعتني فيك عصريّه = بدبي في المؤتمر ماني بناسيها
واقف مع الدكتور واتفلسف شويّه = حبيت أعرفه أني من دواهيها
أثرت إعجابه وقال لي خوش خلفيّه = بالعولمه وامثالك تعرف مافيها
رديت كلي ثقه واقوله إيــّــه = خطير بالعالمه واعرف مناحيها
و فجأه لفتنا فتاه تقول حوريّه = من شافها الدكتور وهو رايح فيها
كشر بنابه تقول خمته جنيّه = ومن مدت تصافحه متمسك فيها
وانا بعد من نظرتها والبلا فيّه = والي وطا الدكتور النفس واطيها
لكن عزيز ووقفاتي رجوليّه = ولو تضعف النفس أقويها أقويها
وقفت اناظرها بنظرات عاديّه = وارقب متى الدكتور بيهد اياديها
واقول ليته يعرفني على ذيّه = وفعلا فعل ومديت ايدي بحييها
قالت انا اسفه مامد ايديّه = الا لناس تراني واثقه فيها
قلت الحقيقه معاكي حق يابنيّه = شوفي العرب ماينعرف ويش خوافيها
وفي خاطري اقول ذا الدكتور من زيّه = ماسك ايديها ويضحكها ويلويها
وانا محرم علي لمسات عفويّه = واقول في خاطري هين برويها
لازم اجيها بطريقه دبلوماسيّه = بعدة لغات ابا اكلمها واحاكيها
قلت ابتدي بلحروف الانجليزيّه = يمكنها ماتعرف اخلف هقاويها
قلت انا في هدو هاي ياتيّه = ردت علي ايم فاين والثنكس تاليها
عرفت انها تهرج وهرجها ذيّه = مثل البريطان ذي حمرٍ علابيها
قلت أدرك الوضع واهرج بالفرنسيّه = أكيد ماتفتهمها لعن ابا بيها
قلت انا بنسوار كمن في شيريّه = ردت شيريبن ميغسي انت توحيها
من ردها تقول كنها شنزليزيه = متربية وسطها تسكن حواريها
ثم قلت مالي كود خوان ماريّه = سبنيول لهجه غريبه في معانيها
مليغرو موج ديفلو سيّه = ردت توموتشو جراتسي لك اغنيها
انا اشهد انها مصيبه ذا السنافيّه = لازم بحبكة ذكا فيها اسويها
ثم قلت باجيب من الكاتشو دوريّه = كلمات تنقال ديل بيرو يطريها
اتاني اخ السانتري يا رهيّه = ردت كوزديفو خلق باريها
قلت احسن الماني وبوشات غربيّه = الهرجه الي كثير جاهل فيها
قلت فولان اشليبش بالنيّه = ردت أشوفين ناشون نشت اعنيها
من عقبها هرج الاردو يالغناويّه = من جامعات الكراتشي معترف فيها
ثم قلت توم بهوتو اتشاهيه هي هيّه = ردت بموتشو معلوم مجاريها
ثم قلت اغير واللهجه ايرانيّه = لغات فارس تراني حيل هاويها
ثم قلت خيلي قشنجي ميه الميّه = ردت بدوستا درام لك بس اهديها
جلست متعجب وافرك ايديّه = ياهي مصيبه مبتلش فيها
ثم قلت بسأل سؤال فيه جديّه = برنامجك واللغه من وين محصيها
ومن أي معهد ومن أيّـاة كليّه = وشلون انتي تعرفين بلغاويها
وهنااااك تكلمه لهذه القصيدة ولم أستطع الحصول عليها ...
