همهمات عاشق على جدار الوقت بقلمي
ابي تسأل عن اخباري بقايا من حطام انسان
وابي تسأل ظروف الوقت وش اللي فيني سويته
وابيك تراجع الايام وتعيد الصورة بالألوان
تراجع ذكريات الحب وقلب(ن) دامك اغليته
وابيك تكونلي طيفي اللين الطيف مني خان
وابيك تكونلي عيني وقلب(ن) دوم بكيته
انا العاشق انا الملهم انا الشاعر انا الفنان
انا اللي مزع قبله وحطك صوره في بيته
انا يا يسدة عمري جفاني النوم بالهجران
يغادرني على شمسك ويصحيني اذا جيته
يهمهم في حشى قلبي شعور(ن) يخنق الوجدان
يحطمني على بابك ويلملمني على ليته
يذوب الشعر في صوتي على شان اكسر الاوزان
يعدلها بحر حبك كسر يجبر اذا اخطيته
انا شاعر بلا موطن جفاني واقفل الاوطان
مهاجر من بلاد الحب على شان اسكنه بيته
وقلبه بيت كل الناس وقلبي يحترق ولهان
مدام القلب متعدد من السكان والالوان مليته
خلاص انا يا قلب ببعد وبرسم من بقايا انسان
على برواز شوقي لك جدار الوقت سميته
ابرحل وبدفع الذكرى تناسي رحلة الازمان
عسا شوقي يهمهملي واهمهمله تمنيته
تأليفي الأن وبقلمي
