نفسي ولو مره تحسّي فيني ...
نفسي ولو مره تحسين فيني
مشتاق لك وانتي حشا ماتحسين
مدري تبين البعد والا تبيني
لاتتركيني عايش ٍ بين نارين
وش اجمل من الحب بينك وبيني
او خايفه حتى من انك تحبين
ردي دخيل الله راحت سنيني
وانا اتبعك والهم فيني من سنين
يعني مثل ماعطيك ودي عطيني
والا الجفا طبعك وانا طبعي اللين
الى متى برجيك حتى تجيني
ارجي اللقا منك ولاظنك تجين
يامعلقتني في هواك افهميني
اما تردين العطا او تصدين
اشغلت فكري فيك واسهرت عيني
ترى الجفا يذبح وطبعك تجافين
متحملك والحب ماهو بيديني
واعزي لحالي على حظي الشين
كان المذله بالهوي تحتويني
بذل لك نفسي على شان ترضين
تكفين لو مره تحسين فيني
تكفين لو مره تحسين تكفين
