مادمت تنشد يارفيقي عن الحال مالي على كتمانها عنك حيله
مادمت تنشد يارفيقي عن الحال
مالي على كتمانها عنك حيله
الصبر عن بوح الأحاسيس قتال
والبوح في بعض المواقف فشيله
لو كل مايطري على البال ينقال
ماكان شفت ان الثقيله ثقيله
أبطيت أكافح ضيقة البال بالبال
وأدفع بلا هاجوسها كل ليله
لين أقبلت مثل السحابه بهمال
تشفي غليل الي تزايد غليله
طاحت ولا وفق من حناياك منزال
وأبطلبك يابدر تكفى المخيله
ان قيل : ترعد قل لهم صوت زلزال
وأن قيل : تبرق قل لهم ادناة حيله
مابي تناقلها هل القيل والقال
وتصير من بعد القصيره طويله
يابدر ماني عاال لوصحتي عال
شفني من الصدمات نفسي عليله
أشيل حمل لو يشيلنه جبال
الله وأمانه غير تصبح نثيله
أرمي من هموم الزمن وأسحب دبال
وأنزل عن الجوكر وغيري يشيله
من كثر ماشفت بحياتي من أنذال
بديت أشك ان النذاله فضيله
ماطاح من عيني رجل طاحوا رجال
ورجال يا أبن حنيق ماهي قليله
أقرب من الي قالهم ضمن ماقال
راكان ابن حثلين راع الجزيله
هذا ولد عم وهذا ولد خال
وهذا رفيق مالقينا بديله
سبحان من هو يابدر غير الحال
وحط الجفا مابين الخليل وخليله
هذا الزمن يبغى له لسان دلال
من يستحي هالوقت وأعزتي له
وقت به الراعي غدا راعي دلال
كلن على طاريه ينفض شليله
ومن كان ساسه لردى مضرب أمثال
اليوم يحسب من كبار القبيله
المال يا أبن حنيف ملعون أبو المال
ذل العزير وعز ناس ذليله
