البنك افلس

البنك افلس

دنياك صارت كلها اسرار باسرار = ودروبها ياحول والله عسيره

يابنت والله يوم قلبي لك اختار = حسيت انك من احب استشيره

كنتِ رفيقة درب قلبي والافكار = وكنتِ من اللي اقول عنها عشيره

كنتِ الهامي في حديثي والاشعار = وكنتِ القمراء ولحياتي تنيره

كم قلت باسمك والتمس لك الاعذار = يوم الشكوك بخاطري تستثيره

واليوم حالي موجز لكامل اخبار = يالله تجعل كل ماصار خيره

اصبح رصيدي العاطفي عندك اصفار = البنك افلس مالقى من يديره

ومخزون قلبك مالنا بيه اثار = رغم انها كانت معالم كثيره

ومخزون عقلك انت من قال لي طار = لاعاد منطق ولا حتى بصيره

وتجمدت ذكراي عندك بلا اسعار = بدون وقفه ....لو ثواني قصيره

اسمي وتوقيعي..وتعهد مع اقرار = وداع...ودنيا الوهم هذا مصيره

الشاعر: عواد الهران