راحت وآخر شي منها رساله
رسالةٍ مضمونها ما فهمته
راحت وانا حالي مع الناس حاله
راحت وقلبي دونها ما عصمته
هل يا ترى ما زلت داخل خياله
سؤال حائر والخبر ما علمته
بعض المسائل أجوبتها محاله
فكري ما بين اثنين حائر قسمته
العين مسهرها فؤادي سؤاله
والحال عن لذة طعامه حرمته
الحب لذات المحبه وصاله
والكون بعد افراقها قد سئمته
هيا انظروا حالي شديد اعتلاله
ما فاد طبٍ غيرها لو لهمته
مدري جنوب الارض والا شماله
الصوت ما يوصل حبيب ٍ زهمته
مناير احلامي تحطم بداله ..
محراب حزن ٍ بالقصيده نظمته
الحلم لو جاني سريع ٍ مآله
افز غير امصدق إني حلمته
مالي صديق ولا رفيق وزماله
هجرت خلق الله عشانه وهمته
كم واحد ٍ جاني يكثّر جداله
تركت انا دربه عشانه خصمته
قلبي بلا يشعر ركض له وجاله
بالعشق عن غيره فؤادي فطمته
متربيا ً بين الأدب والأصاله
من طبعه الراقي وجوب واحترمته
يجذبك في حلو الحديث ومقاله
عينه تكلم لا بدا منه صمته
ياعاذل المشتاق مالك وماله
القلب لو ينسى سويعات لمته
محدٍ محقق ياعذولي مناله
ما تعلم اللي جوف صدري كتمته
مالي جدى ياكود وجد ٍ نحى له
تقرون وجدي بالنظر ما زعمته
يابٌعد للعاشق كتبت العناله
صرح الغرام اللي بنيته هدمته
القلب فالفرقا عذاب ٍ جراله
من جمرة الفرقا فؤادي شعمته
سيل ٍ من اشواقي على من دلاله
امخلد ٍ في داخلي لا عدمته
في هبت الذكرى يزيد اشتعاله
يضيع حلم ٍ في خيالي رسمته
ياللي حكى ليه ويااا من حكاله
الصمت ليتك عن هوانا لزمته
عيني وقلبي والمشاعر حلاله
وغيض ٍ من الغيره عشانه كظمته
كف الرحيل اليا بطش في جهاله
ما ينفعك تشفعه لو خدمته
القلب ما صدق يكون ارتحاله
اللي رحل عني عسى ما ظلمته
ابليس لو وسوس علي بمجاله
اخذتلي سبع الحصا ثم رجمته
