-
التحدي
حضرت وعيون الرجال حراب وعيوني حراب
ووقفت من بين النشامى وقفتن يدرابها
اقدر وجيه تقدرني واحسب لها حساب
واصد عن بعض الوجيه ولا حسبت حسابها
جات البدايه هكذا يما خطا ولا صواب
لكنها فكرتن عسى ربي يجملنا بها
حمستها بالراس حمس البن يوم الكيف طاب
ومن طيب نكهتها طمع في شربها صبابها
وفوحتها بين المحاني لين فيها البن ذاب
وقندتها من فكري لي ما يطيب الا بها
يوم استوت قدمتها لوجيه سمحين الجناب
ما كنها الا دلتن تبري خوى شرابها
صحيح شاب الوصف لكن من يقول ان القاف شاب
الا على روس الطوال النايفات رقابها
شاعر وحقر الهينه ويشوش راسي للصعاب
ماني بحياله ليا شاف الصعاب يهابها
اغرف بحر واقطف زهر وانحت على صم الهضاب
مثايل تبطي وهي عند العرب يحكابها
-
مشكوووووووور
عزيزى
كلمات ومشاعر رائعه جدااااااااااا
ورودى
-
حلوة كتير
قناص
يسلمــــو يديك ..
-
-
-
اغرف بحر واقطف زهر وانحت على صم الهضاب
مثايل تبطي وهي عند العرب يحكابها
تسلم صح لسانك
تقبل ودي
-
مشكور اخي هذه قصيدة جميلة للشاعر صالح آل مانعة المري
يعطيك العافية
تقبل تحياتي
وهذه تتمت القصيدة بعد أذنك
السبع كانه لا عـدى مالـه علـى الشـدات نـاب
تعشتـه شهـب السبـاع اللـي تـحـد انيابـهـا
واللي مايلقـى مـن يمينـه لا طعـام ولا شـراب
تصبـر علـى جـور الليالـي لحيتـه واشنابـهـا
واللي معه قلب(ن) شجاع وعزم ذيب وعيـن داب
وبيـن الجبـال الموحشـه دربـه وبيـن هضابهـا
ومنين مـا هـب الهـوى لقـاه لخشـوم الركـاب
مـن سطوتـه ماهـو يخليهـا تـعـوج رقابـهـا
ولا يكـل ولا يـمـل ولا يضـيـق ولا يـهـاب
ويعقـب اللـي مـا يقـول النـار مـن شبابـهـا
ان كان ما جاه السعـد يسبـق مراويـح السحـاب
قولت كفو فـي حـق مثلـه مـا يطـول غيابهـا
وانا احتزمت بمحزمي واخـذت سيفـي والزهـاب
وشقرا(ن) عليها البندق اللـي بيـن(ن) مضرابهـا
من دار ابو مشعل سديد الـراي حـلال الصعـاب
حليـت فـي دار الرجـال اللـي تعـز اصحابهـا
واخذت من غيري كتاب وشفت مضمـون الكتـاب
ماهو كتـاب الا وصـاة(ن) مـا طلعـت الا بهـا
من ثقلها يمكن يبيـن الشيـب فـي راس الشبـاب
مافيه واحد مـن عيـال العـود مـا وصـى بهـا
اتباع من دون الوطن والملـك الانفـس والرقـاب
مافـي خسـاره روحــة الارواح دون ترابـهـا
والجادل اللـي لبسهـا نـدر الجواهـر والثيـاب
موضوعها اكبـر مـن جواهرهـا ودق خضابهـا
تلد لي كنهـا تقـول ادخـل عليـك مـن الذهـاب
تـراك يامـي ستـر مـن تبغـى الستـر بثيابهـا
قـد غـارت القعبـان تبغيهـا وعداهـا عـقـاب
حـول عليهـا يـوم شامـت لأجلـه وقفـى بهـا
خذها ببيت وحكمـه ومعنـى ووزن ورفـع اداب
لو مـا معـه قـوه وعـزم ومعرفـه مـا جابهـا
وانا حضرت وحضرتي ماهي سوى هي والغيـاب
حضـور مـن يجنـي فوايـد طرقتـه واتعابـهـا
وان كان في الدعوه بيـارق فاللـوازم مـا نهـاب
حنـا لهـا امهـا بهـا .. ولا بقـطـع ارقابـهـا