شعرة معاويه

كثـر الله خيـرك مـا بغيتـك تزيـد
تكفي جروحي اللي باقيـه مـا بـرت

ادري انك طبيبي ماانت تـوك جديـد
بالعـلاج وولكـن الجـروح كثـرت

يوم حبك شرينا وانـت بعـت بزهيـد
كيف ترخص هوانا دام روحي شـرت

كم ليل وسهرتـه والرجـا مـا يفيـد
ليه انا ارجي من اسبابه عيوني سهرت

ضحكتي بالمحيـا وعلتـي بالوريـد
ورحول المشاعر من سببـك عثـرت

فالفرح قد نسيته مـن زمـان بعيـد
والحزن شف طيوره في سماي شهرت

والشقا لي رفيق والعنـا معـه اكيـد
والألم بـه براكيـن الفـؤاد زفـرت

يا أمل تاهت دروبـه ولا لـه عضيـد
مثل ليل وضاع بنور شمـس اسفـرت

ول ياحظي اللي مـا عرفتـه طريـد
و مصايب زمانـي عـن مكانـه درت

عايش طـول عمـره مقيـد بالحديـد
وسحابة تعاسـه يـوم حـل امطـرت

وعود الجرح ينزف بس ما هو وحيـد
مع جروح صغيـره انكفـت وكبـرت

من جروح كوتني عشت كنـي شريـد
وقيود الرجاوي اطلقـت ثـم سـرت

جاك زبدة كلامـي لا تحـرى مزيـد
يوم قلبي زموله مـا قـوت قصـرت

معاويه شعرته في يدينكـم يـا يزيـد
وانت فصل وانا البس ولا تقول ادبرت

بس لو تخلف الهقـوه وعنهـا تحيـد
لو كان حبك شريعه مشاعري كفـرت