لا تظـن إني ابحزن لـو توادع أو تغيب
والا تحسب اني بسهر في دموعي غارقة
ولا يسافر بك خيالك شي يودي وشي يجيب
مرة فكرة تبقى ساعة ومرة فكرة مـارقة
انت حبك يا أناني ما له بقلبي نصيــب
جيتك وإلا بعادك عندي ما هي فارقــة
بعـد ما أيقنت انك تتبـع الدرب المريب
انخدعت بصوت دافي والعيون السارقـة
أنا حرة بنت أبوي وجدي الجـد العريب
ما يخوفني ظلام وشمسي دايم شارقــة
مهرة هي تاج راسك سهمها دايم يصيب
واذا أشعلت جمر الهوى نار نار حارقـة
ولو جرحت أجرح بقسوة وأدمي الجـرح
غايتي أرضي غروري مثل نجمة بارقـة
لا تظن ولا تحسب دايم ظنونــك تخيب
لأني شيخة بنت شيخ وبين جيـلي فارقة
خل تفكيرك بحجمك يمكن هالمرة تصـيب
وتلقـى الي ترضى فيك وبهمومك غارقـة
لكن إبعد عن طريقـي دامني أتكلـم بطيب
قبل ما أنهي حياتـك وتنسى شمس شارقـة
