________________________________________
قصيدة في تصنيف الرجال :
بسم الله الرحمن الرحيم
المرجله تبغى معا قوة الباس
توفيق من رب العباد وحماسه
فان المراجل من عطا والى الناس
وهبه من الرحمن وايضا دراسه
احد عطاه الله واخذها على ساس
واحد عطاه الله واخذها فراسه
وترى الرجال اشكال وانواع واجناس
والرجل يعرف مستواه ومقاسه
فيهم اسد وحماه ما هو ب ينداس
تخشى الذياب الضارية قو باسه
وفيهم جمل ينقل ولو حسه الحاس
ومن جا تخت خفه على الارض داسه
وفيهم سواة الذيب للبعد نواس
وراد شراد بعيد العساسه
وفيهم سواة الثور ياكل ويحتاس
مايفرق البر الحمر من كناسه
وفيهم سواة اللي ورا البيت حراس
وان كمل الماعون خان الحراسة
وفيهم حصيني عيشته مكر والحاس
جبان لكن فيه بعض السياسة
وابنذر اللي عاد في راسه اعطاس
يرفع عياله عن بيوت النجاسه
عرب مناسبهم ترى العرق دساس
بعض الاسود مخلفين بساسه
