ان كتبتك في شعوري ماقريتك .. وان قريتك طرت للشعر وسماه
مالقيتك بس .. يومني لقيتك
ــــــــــ جيت باحزاني ابي مركـب نجـاه
واحدٍ لاجيت طاري ثـم : طريتـك
____________ حيّر الشعـار ، وعقـول الـرواه
من غيابك وانت خابر وش جنيتك
___________ آدمي مظلوم فـوق أكبـر صفـاه
ودني لك لابغيت احيـا ، وجيتـك
__________ والوصّل تكفـى معـي جددّ ولاه !
والله اني من غلاة إسمك حييّتـك
___________والشعور إنسان انت امّه وابـاه !
ووالله اني لابغيت اسري سريتـك
___________ولابغيت الصدق حتى فالصـلاه !
اذكرك ، واستغفـر الله مانسيتـك
____________ والغلا أكبر من جبـال السـراه !
وإن ذكرت الحيّ وإلا بـاب بيتـك
___________ آتحاشى فالصدّر مليـووون آآه !
إن كتبتك في شعـوري ماقريتـك
___________ وإن قريتك طرّت للشعر وسماه
وإن شربتك طول عمري ، مارويتك
__________ وإن سهيتك جيت في كل اتجـاه
وفـي منامي لابغيت اغفى غفيـتـك
___________ يالطموح اللي بنى قصر الحيـاه
والغياب إن جيت في بالك فديتـك
_________ طالبّك قلي ، وش اللي لك وراه ؟
ويوم جيتك ، وآخر دروبي لقيتـك
_________ جيت باحزاني ابي مركب نجـاه !
