تتعب ما تقدر تخلي طبعك يخونك
ابشر يا صاحبي مثلك اليوم خسران
شوقك ما هو بكيفك والي يعرفونك
يدرون الهوى مهما أخفيته ...يبان
ما أعذلك ... دامك تتبع ظنونـك
ولا ني ....... لو رجعت ندمـان
تدري الغلا ما هو بفرحة جنونـك
الغلا كل العطا ....والجزا حرمان
العشق ....خفقة عليها يجبرونـك
الحيرة ...غيرة تموت من الكتمـان
ابشر يا قلب ..دقاتك اليوم يبكونـك
دمع بالوريد ...يروي نبض ظميـان
البكا صعب والأصعب غصة عيونـك
حزين الدمع لا تحدر ...مفارق خلان
واللي تحبهم حيل وتظنهم يحبونـك
يدرون بألمك .... ويتركوك عطشان
واللي لأجلهم نضحي باكر يخلونك
تندم على الماضي وتعيش بأحزان
واللي تغليهم حيل مردهم يرخصونك
يبيعونك عقب الغلا بأرخص الأثمان
هذا زمن عزيزينك فيه يذلونـك
ويتوهونك بدروب لك فيها عنوان
أنا أبيك تنساهم دامهم ينسونـك
ولا تخلي لك غالي في هالدنيا إنسان
عيش لنفسك وعيش للي يطرونك
ولا يهمك هذا راضي وهذا زعـلان
أنا ما أبيك تتحسر ولا أبيهم يضايقونك
بدري عليك ضيقتك بدري عليك ضيقتك
