قصيده اهداء للاخ الغالي قناص الحباري
يانجـم ياللـى عـن سمـا خافقـي .. غـاب@وش غيّبـك عــن الخـفـوق السـمـاوي؟
مدري بـدون أسبـاب ؟؟ وإلا بـه أسبـاب؟@وإلا إنـهـا كـانـت مـجـرّد حـكــاوي؟؟
الأولـه .. يبغـى لهـا شــرح وإسـهـاب@والثانـيـة .. تحـتـاج مـنّـك فـتــاوي
والثالثـة.. صدمـة .. وتفريـقـة أحــزاب@بلـوى .. ولكـن غـيـر كــل الـبـلاوي
ياصاحبـي .. مالـى هنـا غيـرك أصحـاب@بعيـون قلـبـي .. والضمـيـر الشـقـاوي
لو شفت لي .. ذكر .. وقدر .. بين الأجنـاب@وربعـي .. براسـي يبعـدون الهـقـاوي ؟
تراي .. أعيش بغيبتـك .. عيشـة أغـراب@وأعيـد .. للدنـيـا .. زمــان الـخـلاوي
كذا .؟؟ تجازي .. وصلي .. بهجر ..وغياب؟@وتتركنـي لـجـور الـسـؤال اللـحـاوي؟؟
معقوله ؟ إن اللى مضى .. نظـرة إعجـاب؟ @معقوله ؟ إن اللى مضـى .. طيـش غـاوي؟
لا ... مستحيل .. ولاهـو بـسلـم الأحبـاب@لّـن الـهـواوي .. مـالـه .. إلاهــواوي
تعبـت .. والتفكيـر .. عـن دورتـه تـاب@وجيتك .. وأنا كلّي .. خضـوع .. ورجـاوي
قلّـى .. دخيـل الله .. بـلا حرقـة أعصـاب@ويش أنت ؟ في شهـب المعاليـق .. نـاوي؟
فإن كنت .. ناوي .. تفتح لـدمعـي البـاب ؟@الدمـع .. بعيـون المـفـارق .. رهــاوي
ما أقول لك .. دمعي وقف .. بيـن الأهـداب@أقـول لـك .. خـدي .. مـن الدمـع راوي
وكانك .. تبي تعرف غلاتـك .. ومرتـاب؟@غـلاك .. قاسمنـي .. قصيـد .. وغنـاوي
ما أنساك لو تنسـى عنـزة سطـوة عقـاب@ولـو نسيـت عتيـبـة فـعـول العـطـاوي
وإن كانهـا ..غلطـة .. وقلبـك لهـا .. ذاب@والعـذر .. مايوجـد لـجـرحـه مــداوي؟
وحسّيت بالضيقة .. ورمح النـدم .. صـاب @؟وحبّيـت ترجـع .. بـس قلبـك حـيـاوي ؟
تعال .. وإلبس مـن رضـا قلبـي .. ثيـاب @وإنسى .. وأنا أنسى .. يالخفـوق السمـاوي
هذه القصيده للشاعر مطلق النومسي حبيت اهديها
للاخ الغالي قناص الحباري
ارجوا ان تنال اعجابكم
وسلامتكم وصح لسان قايلها
