تدلل ... قول .. علمني عن الخاطر علامه ضاق

أبيات أعجبتني .. فيها من الإحساس .. إحساس كبير جدا ..

أحيانا بوح الابيات لايعبر عن شي بداخلك ... ولكن راح تأخذك بخيالها لـ أبعد حدود الدنيا ..

تفضلوا ..



حبيبي يابعد راسي فداك القلب والأشواق

……………………… احسك ضايق الخاطر تعاتب روحك بروحك

تكلم يابعد عمري انا جيتك ظما مشتـاق

………………………ولكن لهفتك عيّت تنـادي بالهوى بوحـــك

وانا اللهفه خذتني لك وبوحي بشوفتك ينساق

……………… على مهله يبي يسكن بقلبٍ داخل صروحــــــك

حياتـي .. قوم عاندني ولـوّعـني جفـا واشــراق

……………….. وزحزح صمتك القاتل .. قتلني قاسي شحوحك

تعـــــال نعيد ماضينــا .. تعــال نجـدد الأوراق

………………… تعال انثـر على ليلـي قطوفٍ من سنا دوحـك

تكلـــــم .. ملنّي صبري .. تكلم وقتنا سـرّاق

……………….. اذا مجـروح من قلبي .. تـراه يعانـق جروحك!

واذا نادم على حبي وطبعك مو كذب ونفاق

………………… ابتحامل على جرحـي وصدقك يعلي طروحك

تذكر وصلي الدامي.. وفــاي ودمعـي الحرّاق

………………… تذكر حـبٍ اهمـلته .. وقلـبٍ عانـق جروحــــك

تدلل.. قول علمنـي عن الخاطر علامه ضاق؟

………………… سلامة خاطر الغالـي فداه اللي عشق روحـــك

ياعمـري لاتعلقـني وانا جنبـك هـوى خفّـاق

………………… يسافر في صدى صمتك يجوب الكون بسروحك

تكلم راحتـي راحت.. تكلم ناحـت الأعمـاق

………………… تكلم.. طرفي الغامض يـناجي لمحــة وضوحــــك

لكلمـه بس .. مشتاقه ..لكلمه خاطري شفاق

مشكورة اختي للنقل الرائع
تقديري

اشكرك على اختيارك الرائع

مودتى

تشرفت بمروركم الجميل