كان قلبـي قبـل عرفي لك عنيــد
مـا يـحـن ولا رمـى غـيـرك لأحــــد
ليـن طـوّعـتـه بحبــك يا وحيـــد
والمـحـب يطيـع محبوبـه وحــــد
يا حبيبـي غير شوفك لا ما أريــد
دوك طـرفـي طايـر فيـه السّـهــــد
يا حبيبـي فيـك يا حلو القصيــد
لو كتبـت الشعـر فـي غيرك شــرد
أتـغـنّى فيـك بأشــواقي نشيــد
بأصدق اللي قيل مـن بنـت لولــد
........................................ ..............................
ياللي برمح الغلا تسطي و تطعني
و أنا معك خافقي محبوس غاياتـــه
تبي الحقيقة عظيم الشوق ما أوهني
اليوم ساون حسان الحب سياته
أببتعد عنك قدر اليوم ما أمكني
ما هو بعيب ٍ يعاف القلب مشهاتــه
........................................ ...............................
ياغايب عن عيوني خاطري يطريك
في كل لحظة عيونك كيف بانساها
لو غبت ماغاب طيفك عني وطاريك
كنك معي في خفايا الروح واقصاها
........................................ ...............................
لا تقابلني حبيبي بهالبرود..
تو حبك مشتعلني ما انطفى
يوم أنا ضحيت ما أقصد جحود..
للأسف كان السبب زود الوفا
جيتني بالغدر وأنا جيتك عهود..
صادق الإحساس وشلون اختفى؟!
كيف ما قدّرت وضعي والقيود؟!..
انشغلت بدنيتك عني أفا
