ابكي على ما جرالي يا هلي
قلبي انا بالمحبه مبتلي
ولا حصل من يحل المشكلي
مع ناعم العود انا لي مسأله ..
يا ناس روحي تراها في خطر
كله من اللي على بالي خطر
والحب كله على العاشق خطر
كم واحدٍ ما حصل من ممشله ..
قولوا لمن صابني يعطف علي
وان كنت انا مخطي فلا يزعل علي
وان كان جاني حبيبي ما علي
خلوا حبيبي يجيني واسأله ..
خلوه ينظر لحالي ما يرى
ولا تقولوا ضنك ويش ترى
لا شاف حالي وشاف اللي جرى
يفعل علي ما بوده يفعله ..
الصبر عندي على شانه قضى
ولا تأسف على ماقد مضى
يابخت من صار وريه الرضى
والزين والفن كله من هله ..
انا مع كل وقتي في ولع
وهو معي كل وقته في دلع
يا ناس هذا قتلني بالدلع
خفيف دمه الله يقبله ..
اذكر ليالي المحبه والصفا
واذكر ليالي المحبه والوفا
كفا كفا يا حبيبي ما كفا
مرسول عندك تسمح ترسله ..
واللي من الناس قلبه ما هوى
قله حياته على موته سوى
اللي المحبه وقلبه ما ارتوى
مسكين اللي المحبه تجهله ..
