على كثر السنين اللي عرفتك ماعرفتك زين
على كثر السنين اللي عرفتك ماعرفتك زين
على كثر السنين اللي عرفتك ماعرفتك زين ..
تمنيت إني ماشفتك ! ولا لحظه ولا شويه
حسبت إنت وأنا نبقى حبايب نبقى أحلى إثنين ..
حسبتك تبقى لي طول العمر مخلص وفيّ ليا
وأثاري حبنا كذبه نسيت العشره في يومين !
زرعت الشوك أنا بنفسي .. غرست الهم بيديا
أنا ماكنت أظن اللي يحبّ .. يحب له شخصين !
على بالي أنا لحالي وحبيبي يموت بس فيه
على النيه مشيت وماعرفت أمشي معاه لوين !
إلين الوقت بيّن لي نوايا غدر مخفيّه
تعال وشوف وش كثر الدموع إللي تخون العين ! ..
كثر ماخانني حظي وعرفتك وإنت مو ليه
أنا شاللي يصبرني على همي معاك للحين ! ..
خلاص إبعد .. وأنا ببعد ولاتسأل أبد فيه
وإذا قصدك تبيع وتشتري قلبي أنا بحرفين !
أبمحي الحب من قلبي .. وأعيشك ذكرى منسيه
أناني مثل ما إنت ولا يفرق معاك البين ..
وأنا ماعاد تعني لي وخساره فيك ماضيه
كلمات الشاعر / علي الغامدي ،
الحان / أحمد الهرمي ،
غناء الفنان / راشد الماجد
