قال الوفا واهل الوفا صارو اغراب
والحب يشكي وحشة عيون وقلوب
وباتت رياض الحب في كل الاقطاب
تبكي الجفا ودروبها كلها عيوب
والارض لو تشد عن الغيم وان غاب
من يرحمه ان كان في صدره اذنوب
كبرت مشاعرنا وفيها الوفا--- شاب
والصبر شمس صافحت تالي غروب
حتى جليد الشوق بقلوبنا ---ذاب
وخطواتنا تاهت بها زحمة دروب
واليوم صارت سمعة الحب بتراب
تعفرت ذيك المعاني بعذروب
صارت خطيه كلها ذنب وحساب
وراعيها ما عادله وجه مرغوب
والحب يا عيني على الحب --نصاب
كم مره ننصهر بلاهبه ونذوب
لا حول لا قوه ورى حلم كذاب
نشبع غدر وانقول امر مكتوب
والدمعه اللي اخفيتها خلف الاهداب
ياما لمست بكفها ضعف وهروب
طاحت وهي ترسم على خدي اعتاب
تلومني وانا لبسني الهوى ثوب
يا لايمتني جرح الاحباب ما طاب
وقلبي تراه بخنجر الغدر معطوب
هذا لان اهل الوفا صارو اغراب
ولان صدق الحب ما بات بقلوب
(اتمنى ان تنال اعجابكم
منقول
