قصيدة الألفيه لشاعر مسلم البحيري
قصيدة الألفيه لشاعر مسلم البحيري
غاب القمر والصبح بانت شروقه***والعين حلو النوم عيت تذوقه
وبـديـت قـاف وافـيـات طروقـه *** الفــيــه والمبتدي عالي الشان
الالف ألفت المثايل وبديت *** ذكر الله اللى محصي الحي والميت
المعتلي علام ماكان كنيت *** في ظامري وادعاني اليوم عمسان
البا بثني للنبي والصحابه *** حق عـلـينـا ذكـرهم يـنـثـنـابـه
ولامقصدي من مابدعته طرابه *** يعلم بي اللى عالم كل ماكان
التا ترى مايبدع القاف مرتاح ***ولايضحك المفجوع حلو التمزاح
ولو يبدعه كنع طعام بلا املاح *** ماله طعم يثر على الحال نقصان
الثا ثمان اسنين والقلب مفجوع*** لاطايع غيري ولانيب مطيوع
اسهر الى ان الفجر بان بطلوع *** متكدر جفني عن النوم سهران
الجيم جار الوقت والوقت مذموم *** ولا صافلي بالهنا منه لو يوم
جار الزمان وبدل القوم في قوم *** ولايذكر الا اللى من المال مليان
الحا حرار القوم ضاعت مع الناس *** الوقت عاداهم وداس الذي داس
وطاوع كثير المال لو هو من الانجاس ** وعصا بعض ياناس ذربين الايمان
الخا خوي الطيب ماظن تلقاه *** اللى ليا حدك عنا الوقت تنصاه
اقفا زمان الطيب وين انت وياه *** فقير ماعندك رصيد وعمران
الد دوابي من عنا الوقت دالوب *** كن الغضا في ماسط القلب مشبوب
عفت الطعام وعفت انا كل مشروب*** من ذا الزمان اللى جزاني بنكران
الذا ذهب ها الوقت ماهوب صافي *** ناس يغرونك بزين اللصافي
واليا بحثته بان ما كان خافي *** حديد ماله مع هل الجود ميزان
الرا رفيع النفس بالدين محمود *** لو هو فقير يدرك الجود ويجود
ولو تطلبه شي ولاهوب موجود *** في منزله يوقف مواقيف ديقان
الزا زرعت الطيب والله شاهد *** وبالعون ماقصرت في حق واحد
انا احسب ان الزرع يثمر لحاصد *** واثريه صبخا من زرع فيه خسران
السين سل عن صاحبك قبل الاسفار *** قبل تغرب عن مرابعك لديار
كانه عنيد ودايم الدوم عسار *** خله ترى مايبصر النور عميان
الشين شاب الراس والسن توه *** من ذا الزمان اللى فلابه مروه
يالله راع الطيب يالله قوه *** على زمان شيب اليوم شبان
الصاد صابر والصبر درب الافراج *** وارجي الذي منه المخاليق ترتاج
انه يفرج لى مع الضيق مخراج *** واجازي الطيب على الطيب بأحسان
الضاد ضحك الوقت لاتنخدع به *** لو هو حلا نومك وزادك وشربه
الله من تاجر زمانك غدر به *** خلاه عقب المال مايملك غران
الطا طيب النفس غاية مناها*** ولاتسمع اللى عن طريقه نهاها
كم نفس ماتت موصلت مبتغاها *** أنشد وتلقا اللى تظمناه وكدان
الظا ظهر خافي ظميري وسجلت *** قافي ونا مبطي عن القاف ماقلت
ولانيب خايف بالتماثيل ماعلت *** والحق يظهر له شهود وبرهان
العين عن هرج القفا دوم حذراك *** تراك ماتكسب ورا شيله املاك
كم من هروج قطه الهرج بشراك *** واسبابها من قولة فلان لفلان
الغا غنى النفس ياطيب فاله *** يقالله نعمين ياجا مجاله
ولا ردى النفس راعي نذاله *** لانافع نفسه ولاهووب ربحان
الفا فعول الطيب ترفع جلالك *** ياصرت طيب كل شخص يعنالك
ولو مت في وسط مجالس عيالك *** لوهم صغار مايشوفون حقران
القاف قلت حيلتي وأجتهادي *** في ذا الزمان اللى به الطيب غادي
عندك خبر ماكل علم وكادي *** بالناس صدقان وبالناس كذبان
الكاف كم من طاح بالحبس مظلوم ** وهو سليم الجوف لاشك متهوم
ماقدر المولى على النفس مقسوم *** ولالك على ماقدر الله عصيان
اللام لاتبدي على الناس خافيك *** ماكل من يضحك بوجهك يدانيك
كم من صديق تحب انه مصافيك *** وهو خسيس بالمواجيب خوان
الميم مالك عن نصيبك مفرا *** ان كنت في جو وبحر وبرا
ماقدر الوالي عليك استقرا *** اللى خلق من طينة القاع انسان
النون نوح الطير لاتحسب انه *** غنا طرب يا القرم من زود فنه
يمكن معاسير الليالي وطنه *** ماكل طير يزعج الصوت طربان
الها هنى اللى تمسك بدينه *** قبل العمر بالغى تقضي سنينه
نفسه لصومه ولصلاته فطينه *** هذاك له في جنة الخلد مسكان
الواو ودي مير ماهو بكيفي *** ان العرب تمشي بقلب نظيفي
غنيهم يلطف بحال الضعيفي *** حتى تساوي الناس في كل الاوطان
اليا يعل الله يقبل دعاتي *** حيثه عليم بسيتي وحسناتي
والخاتمه صلوا كثير الصلاتي *** عل نبين خاتم كل الاديان
وسلامتكم وصح لسان الشاعر مسلم البحيري
رد: قصيدة الألفيه لشاعر مسلم البحيري
