ماطاعني قلبي وساق القدم سوق
السلآم عليكم ورحمة الله وبركاته
صباحكم / مساءكم
..................شعر ر ر
.
.
يابـارقٍ لوّحـت .. لليـل ضـوّحـت
...................ثوّرت فيني خامد ( الحـب والشـوق )
ذكرتني فـي بسمتـه عقـب / مالحـت
...................ونقضت جرح وسال من ضيمه / الموق
وانا كتمت اللي .. بصـدري ولا بحـت
.................ومن كثر مابه ؟ صرت ضايق ومخنـوق
اسهر بهاجوسي ولا / مني اصبحـت ؟
..................اهجع واشوفه .. جعل ماناشـه العـوق
وأفرح .. ولامني من النوم صحصحت؟
................اقول : ياليتـي مـن النـوم مـا أفـوق
قد صحت من درب المحبين قد صحـت
................ماطاعنـي قلبـي وسـاق القـدم سـوق
وش زان لك ياقلب ؟ مبسوط وارتحـت؟
.................قـد علمـك عقلـي ولكنـك مطـفـوق
ولا أنت ياللي ماخذه عقب : ما أجتحـت
..................اضـلاعـي بلـيّـا تنحـنـح ولا ذوق
ماطحت من عيني ولو جـرت ماطحـت
...................تبقى بعينـي لـك مكانـه / ومرمـوق
انساك ؟ كيف انساك .. من عقب مارحت
....................وانته تركت بداخلي ( جـرح وفتـوق )
السيل ماعمره رقا فـوق / مـن تحـت
....................واذا رقا ؟ بأنساك يـا أعـز مخلـوق !
سعيد بن مانع
