قصيده من اجمل قصائد الشاعر متعب التركي :
:
ياسعود لاتنشد ترى ماني مجيب
خل الذي خافي له شهور خافي
ان شفتني مغتاظ لي حق ومصيب
ياسعود مزعلني جديد اكتشافي
الغالي اللي كان من قلبي قريب
بيني وبينه صار مثل التجافي
ان قلت زله مثلنا زلته عيب
من قال لك شمس الضحى ماتشافي
ان قلت هقوه يمكن تصيب وتخيب
كم لي سنه ماشفت فيه اختلافي
وان صار في نفسه بعض شكه وريب
حتى البحر ماهو على طول صافي
صرنا من الصده سوات المصاويب
كلن نقل جرحه وقال : متعافــي
اصعب فراق فراق عكف الاشانيب
ماهو مفارق لابسات الغدافي
والذيب لامنه عوى جاوبه ذيب
والعلم حامض بس وين الاشافي
ودامه لقاله غير قلبي معازيب
الله يسمح درب هاك السنافي
يروح .. لايرجي رسول ومكاتيب
هو خابر اني .. مالتفت خلافي
واللي تعلى فوق روس المراقيب
اكيد ماتسفي عليه السوافي
رح بشر اللي شال شلفا تريحيب
قله ... تراها كلبوها عوافي
اليوم نفسي طابت وباكر يطيب
جرحي لو انه من يدين المشافي
والــــســــلام عـــلـــيـــكـــم
منقول
