مهما صفى لي الحب أحسه كذاب

مهما صفى لي الحب أحسه كذاب *وإن أهداني نبضه أحس الخيانه مخابيه


نثر لي نظم الشعر ونثرته تراب *ولامد لي اجمل الورد باشواكي أحييه

لا تبسم لي خفت وكشرت الانياب *ولا قرب بعدت أخاف من شر ناويه

طريق الحب هذا بعيني سراب *بدايته أوهام وأدري أخره لأرض التيه

أهداني أبيات الغرام وملا به كتاب *عشقني بجنون وأنا ألي ودي أهجيه

أعذروني عماني عنه صاحب غاب *عماني عن حبه ماشوف إلا بلاويه

من سباب غيره أشوفه لعاب *من قسى غيره أشوف بقااياه فيه

بنى صرح الحب قلت ساسه خراب*مهما أسعدني أكسر خاطره وأجافيه

لاعطيته شيني قال الزين ماينعاب*ولا جرحته بصدي قال بالصبر بداويه

هابوه الكل قلت على وش تنهاب*مادرو عن كاسك وقمت بالشينه أمليه

ماأعبره والناس تحسب له حساب*أبعده عني والكل يفدون ثرى مواطيه

قال يالأسمر الأمل فيك ماخاب*بيثبت لك الوقت إن مالي شبيه

غنى بعذب الصوت قلت ياطنين الذباب*ترى حبنا زجاج بصوتك تهويه

أنتظره بشوق ولاجا قلت من بالباب*ودي بقلبه ولا عطاني قلت مابيه

لازان الوقت معه والسمر طاب *نثرت بوجهه همومي وعيشته بلاويه

عجزت أحبه وأذوقه حلو الشراب *عجزت أعطيه هالقلب مجروح ومافيه

قلبي حجر وعمر الحجر ماذاب *ألا بصدق المحبه راح الي كنت بعطيه

لا قال أحبك ودي أنهشه نهش الذياب*ولا دمعت عيونه ودي بدموعه أخليه

مهما صفى لي الحب احسه نصاب*ولوسقاني الشهد اشوف الكدر ماليه

كل ماقلت أنتهى ,,تركني وغاب*لفاني بجنون قيس والجنون منه وفيه

ماظنتي بيهجرني ولا ظنتي تاب*ماظنتي يقدر ولا ظنتي هالقلب بيغليه

سرت أشوف الحب مثل برق الشهاب*تلمح نوره عيني بس ماأقدر أبقيه

وش رايكم فيني ورايكم بالشاب* ألي كل مابدى بالحب أقوم وأنهيه

الف شكر على الانتقاء الرائع
مع التحيه والاحتراااااام

والف شكر لك على المرور الجميل