الله ياقلـب العنـى مـدري واش اللـي تحتـريـه
من واحدن باع الغلا والحب في وضح النهار
باعه بلاش ابلا ثمـن كـذا كـذا مـن غيـر ليـه
اقصد كذا يعني خلاص انهاه مـره باختصـار
حتى نسى باني كتبت احلا القصيد العذب فيه
واني قريت اجمل حروفه يوم يكتـب بانبهـار
واني ليا شفتـه حضـر قريـت باسـم الله عليـه
وكتبـت لـه يامرحـبـا يامشـعـل الخـفـاق نــار
يامرحبـا باللـي نبيـع اغـلا العـبـاد ونشتـريـه
يامرحـبـا والعـيـن لــك يـاسـيـد الـخــلان دار
يعني ليا منه حضر كل الحروف اتـذوب فيـه
وانا ليا مني حضرت ايصير في جوه اغبـار
ايحـاول انـه يفتخـر بالـلـي مـعـه وانــه يبـيـه
حتى وجودي ماحسب له فالحسابـات اعتبـار
هو يدري اني تايهـن فـي بسمتـه بالحيـل تيـه
واني عليه اغار حتى مـن نسيـم الليـل اغـار
وانه بعـد فـي ناظـري مالـه مـع العالـم شبيـه
وانــه لـيـا مـنــه جـفــى يـقـودنـي للانـتـحـار
انــا بغيـتـه يحتويـنـي فــي حنـانـه واحـتـويـه
وايصير لي مثل الفضى واهيم فيه ابـلا مـدار
واصيـر لـه كـل الغـرام اللـي بفكـره يشتهـيـه
واجبـر حروفـي تنحنيلـه كلهـا حــس ووقــار
وانكان حصل فالاوادم شخص غيري يهتويـه
اعلنـت لـه كـل الوفـاء والتضحيـه والاعتـذار
صحيـح احبـه مـن قديـم وميتـن بالحيـل فـيـه
لاكن عزاي انه يقـال التضحيـه طبـع الكبـار
