طيور الشوق

( طيور الشوق)

يا طيور الشوق شدي للرحيل

ودي لمحبوبتي مني سلام

اوصليها والسواري لك دليل

وعجلي قبل الحبيبه ما تنام

لا وصلتي غردي باحلى هديل

واسجعي بالحان عذبه يا حمام

انشدي عنها تراها اغلى خليل

هي نظر عيني وهي بدر التمام

اقصدي فيّ رهى شرب وظليل

قربي والقي التحية باحترام

قولي انه ساهرٍ دمعه هميل

زوّدت فرقاك لوعات الغرام

منشغل مشتاق من فقدك عليل

يخفي احزانه ولا يبغى الملام

ضايق من وقت يبخل بالقليل

يوم شح بكل ما نبغى وضام

وقولي انه قال ما ارضى بديل

غيرها والله لو ظبي العدام

اعرفي اخبارها وخوذي سبيل

وارجعي لي مسرعة لو بالظلام