الله يصبحكم ويمسيكم بكل خـير
،’
،’
لا فتحت حروفها وين الكتآب
وين لك يا رمش ولا يا هدب
واعذروني لا بدى مني إعجآب
والله إنه في عجايبها عجب
وإترك العاذل ولو فالقلب عاب
ما تعيب سلوم عادات العرب
شفت لك لمحة عذابن في عذاب
وألزم الخاطر يقلدها ذهب
آه رآسي من حلا المنتوق شاب
وآه قلبي يوم شاف الخصر شب
شيب عيني يا سؤال ويا جواب
لا تجيب إلا مواجيب الطلب
واختصر في حضرة الجرح الصواب
لا تزيد طعون خفاقي لهب
ارحب ارحب يا هلا والقلب ذاب
إن بغيت الحب ولا تحب
المهم إنك هنا وسط الرحاب
أرو ضميانك مدام إنه شرب
لا تمادى في الشموخ وفالذهاب
كبريائك هزني وأنا شنب
كنت قبلك أحتمل وأقوى الصعاب
لكن الله لك ترى قلبي تعب
أتحمل زلتك مليون باب
وأقفل أبوابي على غيرك تهب
وأتجرد من وسيعات الثياب
وإن لمحتك كل شوقي لك قرب
صرت أعاني بين سم وبين ناب
وبين حظن كل ما أزهم له هرب
يا وجودي يا مراويح السحاب
ويا غرامي لا انتثر فوقي وصب
ضقت من صبرن يغطيه الضباب
طال يرجي رحمة الوالي يآرب
ولا استطاع المذنب التوبه وتاب
ولا دمرها واندمر مع أبو لهب
مير وقف حاير الخطوه وشاب
وشاب طرقه فالقصايد واغترب
وانت يا قاري من حروفي كتآب
بأرك الله فيك يا لبى العرب
إرحم الملتاع وإذكر فالغيآب
حبنا وحروف سلسال الذهب
