والله مايكبر بعيون الرجاجيل الامواقيف الرجال العظيمه – شعر عن الرجولة والمواقف

والله مايكبر بعيون الرجاجيل الامواقيف الرجال العظيمه

مايكبر بعيون الرجاجيل الامواقيف الرجال العظيمه

والله مـا يكبـر فـي عيـون الرياجيـل ..الا مـواقـيــف الــرجــال العـظـيـمـه
ولا الــردي دايــم ردي مـثـل ماقـيـل ..راس ادمـي والـلـي تشيـلـه بهيـمـه
عنّز على الله ثم على صفوت الجيل ..الـطـيـب الـطـيـب يـامــال الغـنـيـمـه
لا تلتفـت علـى اهــل الـقـال والقـيـل ..الـلـي يشـيـلـون الـرجـولـه ظلـيـمـه
ترى الجمل والعبد والـداب والسيـل ..لازم ثـقـتـك تـكــون فـيـهـم عـديـمـه
الـحــق فـــي مــانــزل الله لـجـبـريـل..على الرسول اللي رضع من حليمه
واللي مـع الساحـر حمامـه ومنديـل..اول خـيــوط الفـاحـشـه والجـريـمـه
افلـح تـرى تالـي النهـار اول اللـيـل..تـمـاكـن الـفـرصـه وذب الـخـريـمـه
ورجل ٍ يشـح بجاهـه ووجهـه بخيـل..ويمـنـن تـبــادر بالـمـكـارم كـريـمـه
غنيـمـتٍ ترقابـهـا الـجـدي وسـهـيـل..وغنيمـتـن منـهـا السـلامـه غنيـمـه
وخسارتـن يـجـي وراهــا محاصـيـل..الــذ مــن فــوزن بـطـعـم الهـزيـمـه
النـفـس تقـبـل مـثـل ماتقـبـل الخـيـل..وتـصــد لـــو ان الـنـعـم مسـتـديـمـه
شيـن تخـافـه مــن عقـوبـه وتنكـيـل..وشيـن تعافـه مـن كـرامـه وشيـمـه
لو كان تضحـك مـن كـلام المهابيـل..لا بــد تبـكـي مــن دمـــوع اليتـيـمـه
والوقـت نفـس الوقـت مافيـه تبـديـل..يمضـي وينسـخ لــك جـديـده قديـمـه
تكـثـر بركـتـه بـالـدعـاء والتهـالـيـل..وتـقـل مــن قــل الـنـوايـا السلـيـمـه
ودك تـرجـالــك ســــراب وتـمـاثـيـل..طرقي وقتك قيض وأرضـك وخيمـه
ولا تـــدور حـاجـتـك هــنــد دعـبـيــل..خبـلـن يــزم نفيسـتـه فــي خشـيـمـه
لـون مـا الله فـضـل الـنـاس تفضـيـل..لـفـضـل الأشـجــار مـعـنـى وقـيـمـه
النـاس منهـا الفـود ماهـوب بالحيـل..والأشجار منها فود حتـى الهشيمـه

المعلم الاردني على الواتساب
اهم ما يهم المعلم حلول دورات اسئله امتحانات واختبارات
رابط الانضمام
https://chat.whatsapp.com/C20ZYJXSKmZD8faIfVSevq

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *