انشطة مدرسية 2017 جديدة للمدارس والطلاب والمعلمين

انشطة مدرسية 2017 جديدة للمدارس والطلاب والمعلمين




1- اول شي احنا قسمنا لما انتشر مرض الكبد الوبائي بالمدارس سوينا لجنة توعية وطبعنا الطريقة الصحيحة لغسل الايدي وكبرناها A3 وغلفناها تغليف حراري وحطيناها عزكم الله بالحمام

2- تقدرين تحطين ارشادات سلوكية هادفة حسب المرحلة الدراسية يعني اذا ابتدائي تحطين بطاقات كرتونية وتنصحين فيها البنات اهمية النظافة الشخصية أو اهمية المحافظة على الممتلكات وعدم الكتابة على حوائط الحمامات

3- اذكر قسم التربية الفنية لما كان اسبوعهم الاذاعي وكانت قيمتهم المحافظة على الممتلكات سوي حملة وهي تزيين سلات المهملات (عزكم الله) بصراحة هالحركة حلوة حيل وعجبت الناظرة فشرايج تسوين هالحركة علشان مجهودج يكون واضح وتاخذين كم بنت شقردية من حصصهم الاحتياط وتاخذين جوله بالحمامات وتزيينون سلات مهملات الحمامات ويالغالية كل شي تسوينه وثقيه بالصور علشان بالاخير تسوين تقرير واذا مو عارفة شلون راسليني بالخاص اوريج شلون تسوين تقارير انجازات
4- اهتمي بادوات النظافة الموجودة بالحمامات الصابون والمعقم وحطي ارشادات علية
5- وشرايج تختارين مجموعة بنات وتسمينهم مجموعة النظافة ومهمتهم ينصحون البنات اللي يقطون الكلينكس بالحمامات ويعلمون البنات الصغار اذا كانو بالابتدائي شلون يغسلون ادينهم بعد استعمال الحمام بالماء الصابون والمعقم وهذول المجموعة من البنات يكون لهم بطاقات يلبسونها توضح انهم مجموعة النظافة ….
6- في مدرستنا مسوين حركة بطاقات دخول الحمامات ؟؟ شني هالبطاقة الله يسلمج هذي البطاقة تكون خاصة للابلة عددها بطاقتين فقط لا غير وعهدة للمعلمة بحيث انه الابلة تعطي البنت اللي تبي تروح الحمام البطاقة ولما ترجع تردها للابلة علشان الية ذهاب الطالبات للحمام تكون منظمة وامنة
7- تسوين بين فترة وفترة مسابقة كاس النظافة يعني كا جناح مسؤول عن نظافة الحمام اللي موجود في جناحهم واللي يحافظ على نظافة حمامهم راح ياخذون كاس النظافة وطبعا تعلقين ورقة مطبوعة بالكمبيوتر فيها جدول متابعة نظافة الحمام عند كل حمام من برة و طالبات مجموعة النظافة يسجلون ملاحظاتهم علي نظافة الحمام خلال اسبوع واللي يحصلون على نجوم اكثر ياخذون الكاس .
8- حطي طريقة الوضوء تري في بنات ما يعرفون شلون يتوضون .
9- وزعي مطويات على الطلبة توضح لهم اهمية النظافة الشخصية وطرق المحافظة عليها

المزيد من الانشطة المدرسية 2017 هنـــأ

المعلم الاردني على الواتساب
اهم ما يهم المعلم حلول دورات اسئله امتحانات واختبارات وامتحانات تنافسية مقابلات
رابط الانضمام
https://chat.whatsapp.com/LuMvirvRka6HWvIjN12kGW

المجموعة خاصة ومخفية للارقام

One Reply to “انشطة مدرسية 2017 جديدة للمدارس والطلاب والمعلمين”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *