كلمات دحة نشامى السعيديين 2021

سم الله بديت القافي خلاق الإنس والجاني
محيي العظام وهي رميم رفيع القدر والشاني

ودي امدح ربع السعيدي القاصي منهم والداني
بعيدهم قبل القريًب اعده واحد من اخواني

امدح القرم ابن مفرج شيخن يهز الديواني
من فكاكين النشايب على قديم الزماني

واليا ذكرت ابو سويه وابن حسن والجبراني
كلهم قروم ونشاما عند المواقف شجعاني

واعيال غنيم والمذاكير وربوعك يابن رماني
اهل فزعاة ونخاوي يداوو الجرح السمياني

ماننسا عيال ابن مرعي لادلو في الاماني
واحدهم يرمي هدفه لاحطه على النيشاني

والحمادات هم والعونات اليا حمي الميداني
كل منهم يظهر خويه لو شاله على الامتاني

اما الحمايطه وابن رشود وسرور الاول والثاني
طاريهم من وقت مبطي وصلني وتعداني

واليا ذكرت النصايره والعمرات واللجناني
يشوش الراس لطاريهم واشعر بامن واماني

مابنسا عيال ابن نصر الي من اهلي وجيراني
منهم رجاء صيته بقا والنشمي ابو سليماني

قالوها قبلي الشعار وانا بقوله كماني
نفخر بالقرم ابن زايد عالصفراء بنت عبياني

وإن جبنا طاري ابن رويضي عن وصفه يعجز الساني
تعلا صيته للقمه كنه الحر الشيهاني

ونعمك لطريت الفواسه والنقوزي شيب وشباني
عند المواجه شنعيني الي يحاربهم خسراني

واختمها في البحصه والمحزم ابن طليحاني
يردو عالنار وهي حيه لاصارت عج ودخاني

اربوعي كلهم نشاما يستاهلو جزل المعاني
والي نسيته يعذرني يعذرني على النسياني

تحميل الدحة mp3 على الرابط التالي :

دحة نشامى السعيديين mp3

الاعداد والتقديم

غناء عمر صباح السعيديين

كلمات سعيد عواد السعيديين

فيديو ديحية السعيديين انتاج ستيديو النجار للانتاج الفني


1 تعليق

احمد · 2021/06/19 في 7:32 م

الله حيهم السعيديين نشامى

اترك تعليقاً

Avatar placeholder

لن يتم نشر عنوان بريدك الإلكتروني. الحقول الإلزامية مشار إليها بـ *